Шайхонтоҳур туманида «Янги Ўзбекистон бунёдкорлари» касбий маҳорат миллий танловининг туман босқичи юқори савияда ташкил этилмоқда

📌 Танлов доирасида ёшларнинг касбий билим ва кўникмаларини намоён этиш, замонавий касбларга бўлган қизиқишини ошириш ҳамда иқтидорли ёшларни қўллаб-қувватлаш мақсадида енгил автомобилларга техник хизмат кўрсатиш, сантехника, компьютер графикаси ва дизайни йўналишларида амалий ва назарий синовлар ўтказилди.

👆 Иштирокчилар ўз касбий маҳоратларини намоиш этиб, белгиланган топшириқларни бажариш орқали ўзаро беллашдилар. Танлов якунида энг юқори натижаларни қайд этган иштирокчилар ғолиб деб топилиб, кейинги босқичга йўлланма олдилар.

👉 Мазкур танлов ёшларнинг касбий салоҳиятини ривожлантириш, меҳнат бозорида рақобатбардош мутахассисларни тайёрлаш ҳамда «Янги Ўзбекистон» тараққиётига муносиб ҳисса қўшадиган кадрларни шакллантиришга хизмат қилмоқда.