Toshkentning raqamli kelajagi — ICT Week 2026’da

🟢22–25-sentabr kunlari CAEx majmuasida ICT Week 2026 xalqaro ko‘rgazma haftaligi bo‘lib o‘tadi.

Tadbirda Toshkent shahar hokimligi Raqamli rivojlanish departamenti 16 ta ustuvor raqamli loyiha bilan ishtirok etadi.

🧑‍💻Ular poytaxt hayotining deyarli barcha muhim yo‘nalishlarini qamrab oladi: ta’lim, qurilish, investitsiyalar, renovatsiya, kommunal xizmatlar, transport infratuzilmasi, turizm, mahallalar, avtoturargohlar, bozorlar va boshqa sohalar.

✔️Asosiy g‘oya — shahar haqidagi ma’lumotlarni yagona raqamli muhitda birlashtirish. Bu ma’lumotlarni real vaqt rejimida kuzatish va tahlil qilish, muammolarni tezroq aniqlash hamda boshqaruv qarorlarini aniq ma’lumotlar asosida qabul qilish imkonini beradi.

🖥 Loyihalarda sun’iy intellekt, geoaxborot texnologiyalari, avtomatlashtirilgan monitoring va tahliliy vositalar qo‘llaniladi.

📈ICT Week doirasida faqat konsepsiyalar emas, balki platformalarning amaliy ishlash mexanizmlari, funksional imkoniyatlari va erishilgan natijalar ham namoyish etiladi.

📊Masalan, ta’lim sohasida maktablar faoliyati va o‘quvchilar davomatini monitoring qilish, renovatsiya jarayonlarini bosqichma-bosqich kuzatish, kommunal sohada infratuzilma holati va to‘lov intizomini tahlil qilish imkoniyatlari yaratilmoqda. Qurilish va investitsiya loyihalarining holati, muddatlari va ijrosi ham yagona raqamli platformalarda nazorat qilinadi.

▫️Maqsad — Toshkentda tezkor, shaffof va samarali boshqaruv tizimini shakllantirish, xizmatlar sifatini oshirish va jarayonlarda inson omiliga bog‘liqlikni imkon qadar kamaytirish.

🤔16 ta loyiha — Toshkentda shakllanayotgan yagona raqamli boshqaruv ekotizimining bir qismi.