Bir ayolning irodasi...

"Uch qahramon" mahallasida yashovchi Oygul Rashidova oddiy ayol emas. Uning qismatida og‘ir sinovlar, yolg‘izlik va iztiroblar bor. Turmush o‘rtog‘idan ayrilgandan so‘ng, to‘rt farzandi bilan hayotning og‘ir kunlarini boshdan kechirdi.

Ishsiz, murakkab vaziyat ichida qolgan bu ayol "Ayollar daftari"ga kiritildi va davlat hamda mahalla qo‘llab-quvvatlovi bilan yangi hayotga qadam qo‘ydi.

Shundan so‘ng u sport orqali nafaqat o‘zini, balki taqdirini ham o‘zgartirdi. 100 kilogrammdan ortiq og‘irlik, sog‘lig‘iga tahdid solayotgan vaziyat – Oygul uchun sinov edi. U shijoat bilan barcha qiyinchiliklarni yengib, fitnes klub ochdi.

Bugun u faqat o‘z hayotini emas, balki boshqa ayollarning ham taqdirini o‘zgartirishga hissa qo‘shmoqda.