Mustaqillik bayrami arafasida poytaxt faollari taqdirlandi

Mustaqillik bayrami arafasida poytaxt faollari taqdirlandi

Oʻzbekiston Respublikasi Mustaqilligining 34 yilligi munosabati bilan Prezidentimiz tomonidan davlat mukofotlari bilan taqdirlangan bir guruh poytaxt faollariga orden va medallar topshirildi.

Toshkent shahar hokimi Shavkat Umurzakov fidoyi hamshaharlarimizga mukofotlarni tantanali tarzda yetkazdi.

Shavkat Umurzakov o‘z nutqida mustaqillik xalqimiz uchun erkinlik va taraqqiyot eshiklarini ochgan beqiyos ne’mat ekanini alohida ta’kidladi. Poytaxt hokimi, shuningdek, bugungi kunda yurt ravnaqi va Vatanimizning yuksak obro‘-e’tibor qozonishida fidoyi insonlarning xizmatlari hal qiluvchi ahamiyat kasb etayotganini qayd etdi.

Mukofotlar fidoyi insonlarimizning Vatan taraqqiyotiga qo‘shgan hissasi davlat va jamiyat tomonidan yuksak e’tirof etilayotganining yaqqol ifodasidir.