Xalq deputatlari Toshkent shahar Kengashining o‘n to‘rtinchi sessiyasi bo‘lib o‘tdi

Bugun Xalq deputatlari Toshkent shahar Kengashining navbatdagi — o‘n to‘rtinchi sessiyasida poytaxt hayotiga oid bir qator dolzarb masalalar ko‘rib chiqildi. Kun tartibidagi masalalar yuzasidan tegishli hisobotlar tinglanib, muhokamalar asosida qarorlar qabul qilindi.

Sessiyada quyidagi masalalar muhokama etildi:

• O‘zbekiston Respublikasi Prezidentining qaror va farmonlari ijrosining 2025-yil birinchi yarmi yakunlari bo‘yicha ijtimoiy-iqtisodiy rivojlanish holati;

• Hokimlik tizimida elektron ijro platformasi orqali berilgan topshiriqlar bajarilishining natijalari;

• Jamoat xavfsizligini ta’minlash, huquqbuzarliklarning oldini olish va ularning profilaktikasi holati;

• "Xavfsiz va ravon yo‘l" umummilliy dasturining ijrosi;

• Inson huquqlari, erkinliklari va qonuniy manfaatlarini himoya qilish bo‘yicha Ombudsmanning faoliyati;

• Aholi bandligini ta’minlash hamda ijtimoiy himoya sohasida amalga oshirilgan ishlar;

• Ta’lim tizimidagi islohotlar bo‘yicha belgilangan maqsadlarning ijrosi va amalga oshirilgan ishlar;

• Munitsipial mulkni xususiylashtirish dasturlarining bajarilishi;

• Shuningdek, poytaxt hayotiga oid boshqa qator masalalar.

Sessiya yakunida barcha yo‘nalishlar bo‘yicha belgilangan vazifalarning to‘liq va o‘z vaqtida bajarilishini ta’minlash yuzasidan aniq topshiriqlar berildi hamda tegishli qarorlar qabul qilindi.