📍Shota Rustaveli ko‘chasida hozir nimalar bo‘lyapti?

🏗 Bu yerda poytaxtdagi eng yirik rekonstruksiya ishlaridan biri - "Grand Mir" mehmonxonasi aylanasidan Muqimiy ko‘prigigacha bo‘lgan ko‘chani qamrab olgan kompleks loyiha davom etmoqda.

🚌 Ko‘chaning butun uzunligi bo‘ylab yo‘l qoplamasini to‘liq almashtirish orqali avtomobil yo‘li rekonstruksiya qilinmoqda. Ko‘cha o‘qi bo‘ylab jamoat transporti uchun maxsus yo‘lak tashkil etilmoqda - aynan shu yerda kuchaytirilgan texnologiya qo‘llaniladi: avval beton qatlami yotqiziladi, so‘ng tekislovchi qatlam, geobazalt to‘r to‘shaladi, bitum yotqiziladi va shundan keyingina yuqori yuklamalarga va uzoq muddatli foydalanishga mo‘ljallangan PSHMA, o‘ta mustahkam asfalt-betondan yakuniy qatlam yotqiziladi.

🚶 Shu bilan birga, piyodalar yo‘laklari zamonaviylashtirilmoqda, granit va ekologik toza tosh qoplamalari yotqizilmoqda, imkoniyati cheklangan shaxslar uchun qulayliklar yaratilmoqda: panduslar, taktil plitkalar va xavfsiz o‘tish joylari. Binolarning fasadlari, muhandislik tarmoqlari, oqova va drenaj tizimlari yangilanmoqda, ko‘chaning yagona me’moriy qiyofasi shakllantirilmoqda.

🏗 Alohida e’tibor estetika va aholi manfaatlariga qaratilmoqda: yangi kichik me’moriy shakllar (KMSh) o‘rnatilmoqda, qo‘shimcha ko‘kalamzorlashtirish ishlari olib borilmoqda, tomchilatib sug‘orish tizimi joriy etilmoqda, yoritish yaxshilanmoqda. Shuningdek, ikkita yer osti o‘tish joyi ochilgan va zamonaviy bekat majmualariga moslashtirilmoqda.

Batafsil ma’lumot — videoda.