Toshkent shahar hokimligi, O‘zbekiston Respublikasi Din ishlari bo‘yicha qo‘mitasi, Nodavlat notijorat tashkilotlari Milliy assotsiatsiyasi va Fuqarolik jamiyati institutlarini qo‘llab-quvvatlash jamoat fondi hamkorligida “Umuminsoniy qadriyatlar, umumjamiyat manfaatlari – konsepsiyaning asosiy maqsadi” mavzusida davra suhbati bo‘lib o‘tdi.

Tadbir davomida “O‘zbekiston Respublikasida fuqarolarning vijdon erkinligini ta’minlash va diniy sohadagi davlat siyosati”, “Milliy madaniy markazlarning jamiyatda umummilliy totuvlikni ta’minlashga qaratilgan faoliyatini qo‘llab-quvvatlashda mahalliy hokimliklarning o‘rni”, shuningdek, “Ijtimoiy foydali dasturlar samaradorligini oshirishda fuqarolik jamiyati institutlarining roli” mavzularida taqdimot va ma’ruzalar tinglandi.

Tadbirda Ko‘zi ojizlar jamiyati va Nogironlar jamiyatining hududiy bo‘limlari, jamoat tashkilotlari hamda milliy madaniy markazlar vakillari ishtirok etib, o‘z fikr va takliflarini bildirishdi.