Sichuan provinsiyasi va Toshkent shahri o‘rtasidagi investitsiya yoʻnalishi boʻyicha hamkorlik forumi Chenduda muvaffaqiyatli o‘tdi

Chendu, Xitoy – 14 aprel 2025 yil

Xitoyning Chendu shahrida Sichuan provinsiyasi va Toshkent shahri o‘rtasidagi turizm va investitsion hamkorlikni yo‘lga qo‘yish maqsadida mintaqalararo investitsion hamkorlik forumi muvaffaqiyatli tashkil etildi. Tadbir doirasida 50 dan ortiq kompaniya vakillari ishtirok etdi va davlat organlari, biznes vakillari va investorlar uchun takliflar taqdim etildi.

Tadbir davomida ishtirokchilar uchun investitsiya va iqtisodiy hamkorlikning yangi istiqbollari namoyish etildi. Uchrashuvlar doirasida ishtirokchilar taqdim etilgan Toshkentning turizm va investitsion salohiyatini targ'ib etuvchi video materiallar, taqdimotlar, B2G formatidagi uchrashuvlar orqali istiqbolli hamkorlik loyihalari muhokama qilindi.

Tadbir yakunida o‘tkazilgan B2G uchrashuvlar davomida ishtirokchilar turizm, infratuzilma, investitsiya loyihalarining amalga oshirilishi va ikki tomonlama hamkorlikni yanada rivojlantirish borasidagi aniq kelishuvlarni muhokama qilishdi.

Ushbu forumda mintaqalararo iqtisodiy aloqalarni mustahkamlash va yangi investitsion loyihalarni, jumladan, xalqaro darajadagi mehmonxona brendlarini Toshkentga jalb qilish kelgusida xorijiy sayyohlar oqimining yanada kengayishi va iqtisodiy rivojlanishning belgisi ekanligiga urg'u berildi.

—