HISOBOT, MULOQOT, TAQDIMOT: Chilonzor tumanida yangi formatdagi uchrashuv davom etmoqda

Poytaxt hokimi Chilonzor tumanidagi “Botirma” MFY hamda Al-Xorazmiy ko‘chasida tashkil etilgan 24/7 gastronomik maskanda bo‘ldi.

🔺Ushbu manzildagi uchrashuv yangi — “Hisobot, muloqot, taqdimot” formatida tashkil etilib, unda 40 nafar MFY raisi va faol fuqarolar ishtirok etdi.

🛡Taqdimot davomida hududlarda “Xavfsiz hudud” yo‘nalishida amalga oshirilayotgan ishlar, jinoyatchilikning oldini olish va mahallalarda xavfsizlikni ta’minlash bo‘yicha olib borilayotgan ishlar haqida ma’lumot berildi.

➡️Shuningdek, hududdagi sug‘orish tizimini takomillashtirish, namunaviy maktab va maktabgacha ta’lim tashkilotlarini tashkil etish hamda mavjud sharoitlarni yaxshilash yuzasidan loyihalar taqdimot qilindi.

💬Muloqot davomida mahalla raislari va faol fuqarolar bilan hududlardagi mavjud masalalar, ularning yechimlari hamda amalga oshirilayotgan ishlarning amaliy natijalari muhokama qilindi.