Xalq deputatlari Toshkent shahar Kengashining o‘n birinchi sessiyasi bo‘lib o‘tdi

Xalq deputatlari Toshkent shahar Kengashining o‘n birinchi sessiyasi bo‘lib o‘tdi

Bugun Xalq deputatlari Toshkent shahar Kengashining o‘n birinchi sessiyasi bo‘lib o‘tdi. Unda poytaxt hayotiga oid bir qator muhim masalalar muhokama qilindi.

Sessiya avvalida Toshkent shahar hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari Baxtiyor Haydarovning shahar mahalliy byudjetining 2024-yil yakuni hamda 2025-yil I chorak ijrosi bo‘yicha hisoboti eshitildi.

Shuningdek, Turizm boshqarmasining rahbarlari ishtirokida “Turizm to‘g‘risida”gi Qonun ijrosi ta’minlanishi holati hamda 2025-yil uchun turizmni rivojlantirish bo‘yicha hududiy dastur muhokama qilindi.

Bundan tashqari, mahalliy byudjetning 2025-yildagi qo‘shimcha manbalarini xarajatlarga yo‘naltirish masalasi ko'rib chiqildi hamda deputatlarning 2025-yil II choragida saylovchilar oldida axborot berish reja-jadvali tasdiqlandi.

Sessiya yakunida kun tartibidagi barcha masalalar bo‘yicha tegishli qarorlar qabul qilindi.