Тошкент шаҳар Собир Раҳимов туманида туман ҳокимлиги, хотин-қизлар қўмитаси, “Ёшлик” талабалар шаҳарчаси ҳокимлиги, халқ таълими бўлими, тиббиёт бирлашмаси ва “Маҳалла” жамғармаси ҳамкорлигида “Намуна” спорт мажмуасида “Баркамол авлод йили” ва 8 март – Хотин-қизлар кунига бағишланган, туман хотин-қизлари ўртасида “Спорт –гўзаллик рамзи” номли спорт мусобақаси ўтказилди.
Тадбирда барча соҳаларда жонбозлик кўрсатаётган туман маҳаллалари хотин-қизлари спортнинг стол тенниси, шахмат-шашка, волейбол, сузиш ва эстафета ўйини турлари бўйича ўзаро беллашдилар.
Мусобақа ўйинларининг ташкиллаштиришдан асосий мақсад, хотин-қизларнинг ижтимоий, иқтисодий, сиёсий, маънавий соҳаларда тутган ўрнига алоҳида аҳамият бериш билан бир қаторда уларни оммавий спорт тадбирларига кенг кўламда жалб этиш, мунтазам спорт турлари билан шуғулланишлари учун зарур шарт-шароитларни яратиш, саломатликларини мустаҳкамлаш, соғлом турмуш тарзини шакллантиришдан иборат.
Тадбир сўнггида ғолиблар аниқланиб, ташкилотчилар томонидан ажратилган эсдалик совғалари билан тақдирландилар.
Рухсора КАРИМОВА, Тошкент шаҳар Компьютерлаштириш маркази
Олдин
