- Тошкент шаҳар ҳокимлигида фуқаролар қабули Ўзбекистон Республикаси Конституциясининг 35 моддасига, Ўзбекистон Республикасининг “Фуқаролар мурожаатлари тўғрисида”ги 2002 йил 13 декабр 446-2 сонли Қонуни ва “Тошкент шаҳар ҳокимлигининг Регламенти тўғрисида”ги 2007 йил 2 январ 1 сонли ҳамда 2009 йил 5 март 42-ф-сонли қарорлари асосида ташкил этилган.
- Фуқаролар бугунги кунда шахсан шаҳар ҳокими томонидан тасдиқланган “Тошкент шаҳар ҳокимлигида фуқароларни қабул қилиш жадвали”да белгиланган соат ва кунларда шахсан ҳоким ва ўринбосарлари томонидан қабул қилинадилар.
- Қабулга ёзилиш ҳокимликнинг Ишлар бошқаруви қошидаги умумий масалалар бўйича бош мутахассис орқали амалга оширилади.
- Қабулга ёзилиш истагини билдирган фуқаролар ўзлари билан фуқаролик паспортларини ва мурожаат қилинадиган масала бўйича туман ҳокимлигига ёки тегишли бошқарма ёки муассасага мурожаат этганликлари тўғрисидаги ҳужжатларини ҳамда уларнинг жавоб хатларини тақдим этишлари лозим.
- “Фуқароларнинг мурожаатлари тўғрисида”ги Қонуннинг 6 моддасига биноан фуқаронинг мурожаатида фуқаронинг фамилияси, исми, отасининг исми, яшаш жойи ҳамда ариза, таклиф ёки шикоятнинг моҳияти қисқача баён этилган бўлиши лозим.
Мурожаатда фуқаронинг фамилияси, исми, отасининг исми, яшаш манзили кўрсатилмаган ёки сохта маълумотлар кўрсатилган бўлса, бундай мурожаатлар аноним ҳисобланади ва кўриб чиқилмайди
