Бугун Тошкент нафақат стратегик халқаро мавқега эга бўлган сиёсий марказ, балки Марказий Осиёнинг йирик саноат-транспорт чорраҳасидаги муҳим иқтисодий мегаполисдир.

Корхона ва ташкилотлар ягона давлат регистри маълумотларига кўра, 2009 йилнинг 1 январь ҳолатига иқтисодиётнинг барча тармоқларида рўйхатга олинган юридик шахслар сони 38391 тага етди.

Кейинги йилларда шаҳарда асосий макроиқтисодий кўрсаткичлар бўйича изчил ўсиш суръатлари таъминланиб, айниқса иқтисодий ўсиш юқори суръатда таъминланмоқда.

Пойтахт иқтисодиётининг етакчи тармоғи ҳисобланмиш саноатнинг ўрни ҳар доимгидек салмоқли бўлиб қолмоқда.

Асосий саноат корхоналарининг 52 фоизида ва кичик бизнес субъектларининг аксариятида истеъмол моллари ишлаб чиқарилади. 

Барқарор иқтисодий ўсиш таъминланаётгани, аҳоли даромадларининг изчил ошиб бориши савдо фаолиятига ҳам ўз таъсирини кўрсатиб, чакана савдо айланмасининг йилдан-йилга тез суръатлар билан ўсиб бориш тенденцияси кузатилмоқда.

Тошкент шаҳрининг иқтисодий тузилмалари ташқи иқтисодий айланмасида ҳам изчил ижобий ўзгаришлар кузатилмоқда. Бугунги кунда шаҳарнинг 3744 та корхонаси томонидан дунёнинг 100 дан ортиқ мамлакатлари билан ташқи иқтисодий муносабатлар ўрнатилган.

Республикада макроиқтисодий қулай муҳитнинг яратилиши Тошкент шаҳрида ҳам инвестицион жараёнларнинг фаоллашувига сабаб бўлмоқда.

Инвестиция фаолиятини фаоллаштириш, хорижий инвестициялар иштирокидаги корхоналарга берилаётган солиқ ҳамда божхона имтиёзлари ва преференцияларнинг рағбатлантирувчи ролини кучайтириш борасида амалга оширилаётган сиёсат туфайли шаҳар иқтисодий тараққиётида хорижий инвестициялар

 Кейинги даврларда кичик бизнес ва хусусий тадбиркорлик иқтисодиётнинг ўзгаришларга тез мослашувчан соҳаси сифатида ички бозорни истеъмол товарлари билан тўлдириш, хизмат кўрсатишнинг янги ва замонавий турларини кенгайтириш, экспорт салоҳиятини ривожлантиришда муҳим аҳамият касб этмоқда.