Биз циркни мўъжиза яратувчи санъат деб эъзозлаймиз. Кенг омма тушунадиган бу бадиий ижод тури мамлакатимизда кўпдан бери маълум.
Республикамизда биринчи ўзбек цирки жамоаси ташкил топганига 60 йилдан ошди. Унга Тошкентбой Эгамбердиев, Карим Зарипов каби машҳур санъат усталари бош қош бўлишган эди.
Ўзбек цирк артистлари нафақат мамлакатимизда, айни вақтда чет элларда ҳам ўз ижрочилик маҳоратларини намоён этиб келишмоқда. Германия, Испания, Бельгия, Франция каби мамлакатларга қилинган ижодий сафарлар кўпчиликда яхши таассурот қолдирди.
Тошкентдаги ҳозирги циркка 1900 йилда асос солинган эди. Пойтахтда бугунги кунда салобатли қад кўтариб турган цирк биносини айтмайсизми! Гўзал пойтахтимиз ҳуснига ҳусн қўшиб келаётган меъморий иншоот мафтункорлиги билан ҳам эътиборни ўзига тортади.
Хадра майдонида жойлашган бу санъат қасрида бир йўла уч минг томошабин томоша дастурларини бемалол кўради.
Фил, айиқ от, маймун, ит ва қушлар учун махсус хоналар ажратилган. Муҳими, бу ерда цирк жамоасига янги-янги томоша дастурлари яратиш учун барча шароитлар муҳайё қилинган. Бинонинг нозик дид билан ишланган гўзал фойеси ҳам кўзга яққол ташланиб турибди.
Томоша залининг катталиги жиҳатидан Ҳамдўстлик мамлакатлари ичида иккинчи ўринда бўлган Тошкент Давлат цирки чироқлари порлаганда томошабинлар кўз ўнгида бу санъат қасрининг моҳир ижодий гурухлари намоён бўлиб, гастролга келган жамоалар ўз истеъдодларини намойиш қиладилар.
Ҳозирда пойтахт циркидаТошкент: шаҳрининг 2200 йиллиги муносабати : билан катта байрам томошаси тайёрланмоқда. «Буюк Ипак йўли» деб номланган мазкур цирк ўйинлари орқали гўзал пойтахтимизнинг ўзига хос қирралари ҳам намоён бўлади.
«Тошкент оқшоми»
№170-171
(11.481-11.482)
28.08.09
Олдин
