tashkent.uz Tashkent.Uz - Ўзбекистонда Ўрта Муддатли Бюджет Тизими Жорий Этилади
Фотогалерея
Видеогалерея
Ўзбекистонда ўрта муддатли бюджет тизими жорий этилади

Ўзбекистон Республикаси Молия вазирлигида ўрта муддатли бюджет тузиш концепцияси ҳамда Наманган шаҳри мисолида бюджетни ўрта муддатга тузиш услубий қўлланмасининг тақдимоти бўлиб ўтди.

 

Молия вазири ўринбосари Ё.Турсунов, вазирлик ўқув маркази директори Б.Нурматов ва бошқалар давлатимиз раҳбари Шавкат Мирзиёевнинг парламентга Мурожаатномаси ҳамда Ҳаракатлар стратегиясини Фаол тадбиркорлик, инновацион ғоялар ва технологияларни қўллаб-қувватлаш йилида амалга оширишга оид Давлат дастурида бюджет даромадлари ва харажатларининг халқ учун очиқ ва ошкора бўлишини таъминлаш, шунингдек, давлат молиясини бошқаришда ўрта муддатли моделга босқичма-босқич ўтиш бўйича аниқ вазифалар белгилаб берилганини таъкидлади.

 

Мамлакатимизда амалдаги тартибларга мувофиқ, давлат бюджети индексацияларни қўллаш методи билан бир йиллик асосда тузилади. Чунки бюджет маблағларини тақсимловчилар ва бюджет ташкилотлари ўзларининг истиқболларини режалаштирилган йилдан узоқроқ даврга прогнозлаштира олмайди. Бунинг асосий сабаби эса келажакдаги макроиқтисодий ўзгаришларни ва уларнинг фискал кўрсаткичларга таъсирини олдиндан кўра билиш имконияти йўқлигидир. 

Ўрта муддатга бюджетни режалаштириш – давлат бюджетини бир неча йилга (қоида тариқасида 3-5 йилга) тузиш жараёнидир. Ривожланган хориж мамлакатларида ушбу тизим шакллантирилган. Мамлакатимизда ҳам ушбу тизимни жорий этиш бўйича тизимли ишлар амалга оширилмоқда ва дастлабки шарт-шароитлар яратилмоқда.

Жумладан, валюта курси либераллаштирилди ва натижада ўзбек сўмининг курси барқарорлашди. Маъмурий ислоҳотлар концепцияси стратегик режалаштириш тизимини яратишни кўзда тутади. Унга кўра, «қисқа муддатли», «ўрта муддатли», «узоқ муддатли» каби тушунчалар киритилмоқда. 2018 йилдан бошлаб Ўзбекистон Республикаси ривожланиш дастурларини молиялаштириш ва шакллантиришнинг янги тартиби жорий этилди.

Ўрта муддатли бюджет тузиш концепциясига кўра, ўрта муддатли бюджетни режалаштириш жараёни “юқоридан-пастга” ва “пастдан-юқорига” ёндашувлари асосида амалга оширилади. Яъни, “юқоридан-пастга” ёндашувида макроиқтисодий прогноз моделлари асосида 3-4 йиллик бюджетнинг юқори чегаралари аниқланади, “пастдан-юқорига” ёндашувида эса вазирлик ва идораларнинг бюджет сўрови кўринишида бюджет маблағларига 3-4 йиллик талаби аниқланади.

Тадбирда Ўзбекистонда илк бор Наманган шаҳрида 2018-2020 йиллар учун ўрта муддатли бюджет ишлаб чиқилгани ва халқ депутатлари шаҳар Кенгаши томонидан қабул қилингани таъкидланди. Услубий қўлланма Бирлашган Миллатлар Ташкилоти тараққиёт дастури ва Буюк Британиянинг мамлакатимиздаги элчихонаси техник кўмагида ишлаб чиқилди. Қўлланма ўрта муддатли бюджетлаштириш жараёнини тўлиқ ёритишга қаратилганлиги билан аҳамиятлидир.

– Буюк Британия элчихонаси ушбу лойиҳани қўллаб-қувватлаш имконияти мавжудлигидан жуда мамнун, – дейди Буюк Британиянинг мамлакатимиздаги элчихонаси секция мудири Жо Бидсвосу. – Халқаро тажрибадан маълум, мазкур лойиҳа давлат бюджети сектори самарадорлигини оширади ва унинг очиқлигини таъминлайди. БМТ тараққиёт дастурида кўзда тутилган лойиҳаларни амалга оширишда ҳамкорликни давом эттиришга тайёрмиз.

Услубий қўлланма икки қисмдан иборат. Биринчи қисмда Ўзбекистон Республикасининг бюджет тизими ва тузилмаси назарий жиҳатдан таърифланган. Иккинчи қисмда ўрта муддатли бюджетлаштириш жараёнлари акс этган. Қўлланмани яратишдан олдин мутахассислар томонидан Наманган шаҳридаги бюджет ташкилотлари ходимлари ўртасида сўров ўтказилган.

Ушбу лойиҳа илк бор кенг омма муҳокамасига қўйилди. Унда билдирилган таклиф ва тавсияларга асосан Наманган шаҳрининг маҳаллий бюджети мисолида ўрта муддатли бюджет шакллантирилди. Тақдимот жараёнида 2018-2020 йиллар учун прогноз лойиҳа намойиш этилди.

Нурилло Насриев, ЎзА 

07.02.2018

http://uza.uz/oz/business/zbekistonda-rta-muddatli-byudzhet-tizimi-zhoriy-etiladi-06-02-2018

 



Печать 07 Февраль 2018 Ўқилди: 2125


50 ва 100 сўмлик тангалар, шунингдек 50, 100, 200 ва 500 сўмлик банкнотлар муомаладан қайтариб олинади
Чилангарликдан ҳокимликка қадар босилган машаққатли йўл
Сайтда фойдаланувчилар сони: 693
Фойдали ресурслар
Ишонч телефонларига аҳоли ва тадбиркорлар томонидан тушган мурожаатлар сони

 

 

beta(test statistika)

 

 

22.05.2018

ҳолати

 

Сайтга келиб тушган мурожаатлар

 

 

Ишонч телефони орқали келиб тушган мурожаатлар

 

Ҳокимликга ёзма келиб тушган мурожаатлар

 

PM.GOV.UZ Президент порталига келиб тушган мурожаатлар

 

MY.GOV.UZ порталига келиб тушган мурожаатлар

 

Келиб тушгани мурожаатлар 

 

112

 

98

 

443

 

821

 

548

 

Ижродаги мурожаатлар

 

51

 

12

 

132

 

122

 

154

 

Ижроси таъминланган мурожаатлар

 

61

 

86

 

331

 

699

 

394

 

Муддати бузилган мурожаатлар

 

7

 

5

 

21

 

114

 

27

 

 

 

 

 

 

 

 

 

 

 

 

 

 

 

 

 

 

 

ИШОНЧ ТЕЛЕФОНИНИНГ РЕГЛАМЕНТИ

 

Иш тартиби:

Иш соат 09:00 - 18:00

Тушлик                                                                                                                                                                                                                                                                                                                                                                                                                                                                                                                                                                                    13:00 - 14:00

дам олиш куни Шанба ва якшанба

  • Тарихий обидалар
  • Тошкентнома
  • Маданият ва санъат
  • Тадбиркорлик
  • Тендер ва эълонлар