tashkent.uz Tashkent.Uz - Урганчда Замонавий Ёшлар Маркази Фойдаланишга Топширилди
Фотогалерея
Видеогалерея
Урганчда замонавий Ёшлар маркази фойдаланишга топширилди

Шу муносабат билан ташкил этилган тадбирда Ўзбекистон ёшлар иттифоқи марказий ва ҳудудий кенгашлари раислари, давлат ва жамоат ташкилотлари вакиллари, меҳнат фахрийлари, ёшлар иштирок этди. 

Мамлакатимизда ёш авлод жамиятнинг ташаббускор ва фаол қатлами сифатида доимо қўллаб-қувватланаётгани, уларнинг ҳар томонлама баркамол улғайиши учун замонавий шароит ва имкониятлар яратилаётгани алоҳида таъкидланди. 

Амир Темур номидаги истироҳат боғи ҳудудида ташкил этилган марказда ёшлар бўш вақтини мазмунли ўтказиши учун барча шароит яратилган. “Ёш чеварлар”, “Ёш рассомлар”, “Ёш шахматчилар”, “Ёш ижодкорлар”, “Ёш сартарошлар” каби ўндан ортиқ тўгарак фаолияти йўлга қўйилган. Турли тадбирлар ўтказишга мўлжалланган анжуманлар зали замонавий жиҳозланган. 

– Марказ ёшларнинг вақтини кўнгилли ўтказиши билан бирга, уларни қизиқишига қараб муайян касбга ўргатиш, спорт билан шуғулланишига хизмат қилади, – дейди Ўзбекистон ёшлар иттифоқи Хоразм вилояти кенгаши раиси М.Машарипов. – Уларда Ватанга муҳаббат, истиқлол ғояларига садоқат, ислоҳотларга дахлдорлик туйғусини янада мустаҳкамлайди. Вилоятимизда навқирон авлод вакиллари ижтимоий-иқтисодий ҳаётнинг турли йўналишлари – ишлаб чиқариш, тадбиркорлик, илм-фан, маданият ва бошқа соҳаларда фаол иштирок этиб, замонавий масканларда таълим-тарбия олмоқда, спорт билан шуғулланмоқда. 

Ёшлар марказининг фойдаланишга топширилиш маросими Хонқа туманида ёш тадбиркор ва фермерларнинг муаммо ва таклифларини ўрганишга бағишланган мулоқот, Урганч тумани Комилжон Отаниёзов номидаги ижод марказида ёш ижодкорлар учрашуви, Урганч шаҳрида “Темурбеклар мактаби” ҳарбий-юридик лицейнинг ташкил этилиши, “GM Uzbekistan” акциядорлик жамияти Хоразм вилояти филиалида Ўзбекистон ёшлар иттифоқи бошланғич ташкилоти фаолияти йўлга қўйилиши, Ҳазорасп туманидаги педагогика коллежи биноси негизида Ёшлар маркази иш бошлаши каби тадбирларга уланиб кетди. 

Тадбирлар доирасида Урганч шаҳридаги “Ёшлик” массивида 32 хонадонга мўлжалланган кўп қаватли “Ёшлар" уйи ўз эгаларига топширилди. 

– Бугун бизнинг оиламиз учун қўшалоқ байрам, – дейди ёш оила бекаси Латофат Юсупова. – Яқинда фарзандли бўлдик. Фарзандимизни туғруқхонадан тўғри мана шу янги уйимизга олиб келдик. Уй жуда замонавий ва кўркам. Қўшниларимизнинг барчаси ижтимоий фаол ёшлар экан. Биз, ёш оилаларга кўрсатилаётган улкан ғамхўрлик учун давлатимиз раҳбаридан миннатдормиз. 

Шу кунга қадар Хоразм вилоятининг Гурлан, Хонқа, Хива, Урганч тумани ва Урганч шаҳрида 256 ёш оилага мўлжалланган “Ёшлар” уйи топширилган. 

Тадбирларда Ўзбекистон Республикаси Президентининг Давлат маслаҳатчиси, Ўзбекистон ёшлар иттифоқи марказий кенгаши раиси Қ.Қуронбоев, Хоразм вилояти ҳокими П.Бобожонов сўзга чиқди. 

Аҳмаджон Шокиров, Шоназар Қориев (сурат), ЎзА

09.08.2017

http://uza.uz/oz/society/urganchda-zamonaviy-yeshlar-markazi-foydalanishga-topshirild-08-08-2017



Печать 09 Август 2017 Ўқилди: 2036


Тошкент шаҳрида Президентимиз ташаббуси билан Адиблар хиёбони барпо этилмоқда
Тошкент шаҳар халқ депутатлари туман Кенгашлари cайловига оид тарғибот тадбирлари бошланди
Сайтда фойдаланувчилар сони: 598
Фойдали ресурслар
Ишонч телефонларига аҳоли ва тадбиркорлар томонидан тушган мурожаатлар сони

 

 

beta(test statistika)

 

06.11.2017

ҳолати

 

Сайтга келиб тушган мурожаатлар

 

Ҳокимлигларига келиб тушган мурожаатлар

 

PM.GOV.UZ Президент порталига келиб тушган мурожаатлар

 

MY.GOV.UZ порталига келиб тушган мурожаатлар

 

Келиб тушгани мурожаатлар

 

67

 

15463

 

43687

 

16060

 

Ижродаги мурожаатлар

 

3

 

610

 

2910

 

364

 

Ижроси таъминланган мурожаатлар

 

63

 

14853

 

40777

 

15969

 

Муддати бузилган мурожаатлар

 

0

 

102

 

61

 

69

 

 

 

 

 

 

 

 

 

 

 

 

 

 

 

ИШОНЧ ТЕЛЕФОНИНИНГ РЕГЛАМЕНТИ

 

Иш тартиби:

Иш соат 09:00 - 18:00

Тушлик                                                                                                                                                                                                                                                                                                                                                                                                                                                                                                                                                                                    13:00 - 14:00

дам олиш куни Шанба ва якшанба

  • Тарихий обидалар
  • Тошкентнома
  • Маданият ва санъат
  • Тадбиркорлик
  • Тендер ва эълонлар